2012年12月21日

條條大路通羅馬





十年前我看了Life is beautiful後學意大利文,在ICQ交了兩個朋友,一個是跟我同日生日的Pippo,因而認識Fabrizio;另一個是跟我同齡的Piero,他懂一點中文兼教太極,來自Tuscany古城Siena,每年夏天大廣場有賽馬比賽,酒店難求,我就住在廣場五分鐘路程外的大宅。

他老竇住Siena市中心,我在他家兩星期,遊遍Tuscany中部古城。太極媽媽住市郊,附近有個天然溫泉,我們在冰冷溪澗游水,再跳進熱燙溫泉浸泡。那個溫泉屬於大自然,人人經過換了泳衣跳進去就得,分文不收。八年前的平安夜一直下雨,聖誕早上她提著兩個籐籃,跟我說:「Ling,來,我們去摘蘑菇。」她家後面是森林,我們摘了蘑菇做意大利飯,一地栗子做麵包,吃飯時開電視驚見東南亞海嘯的新聞。

那些年我窮到燶,無論在Pippo家、Fabrizio家或太極朋友家,只管白住白食毫無貢獻。但這些恩惠我通通記得,如今我的荷包較寬,每次去羅馬就給Pippo和Fabrizio帶點甚麼,他們來香港我就請他們食遍天下。可是太極朋友已跟老婆移居倫敦,我仍然無以為報。

那些年我剛學意大利文,太極朋友指著一條叫「Via Roma」的馬路,說意大利每城每鎮都有條「羅馬路」,然後教我一句意大利諺語,中文直譯「條條大路通羅馬」。這天我跟Fabrizio遊他老家,看見一條「羅馬路」,又臨近聖誕,忽然好懷念這個太極家庭。

朋友們,間中留幾句comment好喎, 寫blog但冇反應好悶架!

5 則留言:

  1. 係facebook 呃完like又係度呃comment.好啦比個comment你

    回覆刪除
  2. 我留咗, 不過唔知點解無display 出嚟

    回覆刪除
  3. 我真係間唔中有睇架,總係覺得我朋友圈子內,唔應該有你這種人存在,因為我活得太"現實",你的經歷又實在太"超現實",又因為咁,所以我幾鍾意睇你寫野,當睇小說,哈

    回覆刪除
  4. 阿喬你係咪今日寄部Android電話比我?我用緊Pippo部iphone但冇晒我自己的contact list!

    Rachael:Displayed左啦!

    Martin:請問你係咪馬丁.林?

    回覆刪除
  5. 唔係呀, 留咗comments 在之前D post, but didn't displayed ar

    回覆刪除

此小工具發生錯誤