2012年12月29日

傳說中的意大利仔


1. 我在北部城市Cremona逛街,有個意大利仔跟我攀談,然後賴死唔走跟在後面,我逃到書店、咖啡店、網吧,出來時總見他在店外等候,末了我叫他放過我,他一臉誠懇說:「對唔住,我在意大利真的搵唔到一個女仔矮過我。」

2. 我從拿坡里坐火車,有個警察走進我的車廂查護照,問:「香港?」我答:「係。」他問:「去邊?」我答:「西西里。」他問:「你阿媽呢?」我問:「關我阿媽咩事?」他說:「你唔知西西里好危險咩?咁啦,我明天放假,我帶你去。」

3. 我從米蘭坐飛機,海關問我一堆問題:「你在意大利留幾耐?」「公幹定旅行?」「之前來過沒有?」「而家飛去邊?」「跟住番唔番來?」我後面長長的人龍幾乎當我是恐怖分子,條友仔第十九定第二十條問題是:「你幾多號電話?」

4. 我在羅馬等巴士,有個麻甩佬問我:「遊客?」我答:「係。」他問:「你想唔想留响度。」我答:「想。」他問:「做乜唔搵份工?」我答:「我都想。」他問:「我阿叔可能請人,你有冇興趣?」我問:「做乜?」他答:「佢請家傭,比你電話我,我打比你。」


4 則留言:

  1. 老友,你0的奇遇似足高登潮文!!
    by Florence

    回覆刪除
  2. 堅係好好笑 by Jocelyn

    回覆刪除
  3. 只要你係女人,尤其你係亞洲女人,更尤其你係單身亞洲女人,無論你高矮肥瘦老嫩美醜,總會有意大利仔埋身撩你。但我覺得第一個係最好笑,我一世都記得佢那真摯誠懇個樣!

    回覆刪除

此小工具發生錯誤